Kryeministri italian prezanton fazat e daljes nga izolimi

Kryeministri i Italisë, Giuseppe Conte, ka prezantuar fazat e daljes nga izolimi si pasojë e pandemisë së koronavirusit.

Nga 18 maj do të rihapen të gjitha dyqanet, restorantet dhe parukeritë, duke mos harruar udhëzimet që synojnë të ndalin përhapjen e koronavirusit sërish.

Më 25 maj, palestrat, pishinat dhe qendrat sportive do të rihapen, ndonëse duhet të funksionojnë me protokolle të sigurisë.

Më 3 qershor njerëzit mund të udhëtojnë nga rajoni në rajon, përveç nëse qeveria merr masa mbrojtëse bazuar nga rreziku i infektimit në ndonjë rajon specifik.

Nga kjo datë nuk do të jenë subjekt i karantinës edhe personat që arrijnë në këtë shtet nga Bashkimi Evropian, zona Shengen (përfshirë Zvicrën), Mbretëria e Bashkuara, Irlanda Veriore, Andora, Monako, San Marino dhe Vatikani.

Ai ka thënë se duhet edhe pak kohë para se të rikthehet liga italiane e futbollit, Serie A, ndonëse ekipet mund të rifillojnë stërvitjet nga 18 maji.

“Ne po marrin rrezik të matshëm, të vetëdijshëm se lakorja e infektimit mund të rritet sërish”, ka thënë Conte para gazetarëve.

“Ne po marrim rrezik dhe na duhet ta pranojmë atë, përndryshe nuk do të mund të rifillonim. Nuk mund të presim për vaksinë”, është shprehur mes tjerash ai.

Italia është një prej shteteve të prekura më së keqi nga koronavirusi i ri. Ky vend ka regjistruar mbi 200,000 të infektuar dhe mbi 30,000 të vdekur si pasojë e koronavirusit, përcjell Albinfo.ch.