Në Spanjë vendosja e maskës bëhet obligative

Keystone

Autoritetet spanjolle kanë bërë të ditur se vendosja e maskave është e detyrueshme si në ambiente të mbyllura ashtu edhe në të hapura, nëse distancimi publik nuk mund të zbatohet, me qëllim të luftimit të Covid-19.

Vetëm fëmijët nën gjashtë vjeç dhe ata me probleme shëndetësore janë përjashtuar nga ligji, që hyn në fuqi të enjten.

Shumë shtete evropiane kanë bërë të detyrueshme maskat në transportin publik, mirëpo dekreti spanjoll shkon më tutje.

Spanja është përballur me një prej situatave më të rënda në Evropë, si pasojë e përhapjes së koronavirusit të ri.

Ky shtet ka regjistruar gati 28,000 persona të vdekur dhe 232,000 të infektuar prej muajit mars me këtë virus, ndonëse shkalla e infektimit tani është duke u ulur, përcjell Albinfo.ch