Kosovë: Tre pacientë me Covid-19 në gjendje të rëndë shëndetësore

QKUK, Facebook

Në Klinikën Infektive në Prishtinë aktualisht janë të shtrirë nëntë pacientë të prekur me Covid-19. Tre prej tyre janë në gjendje më të rëndë shëndetësore.

“Janë 9 pacientë me Covid pozitiv, tre prej tyre janë në mjekim intensiv dhe njëri prej tyre është i intubuar. Ndërsa në repart një pacient është në gjendje më të rëndë me oksigjenoterapi”, ka deklaruar infektologia e QKUK-së Vera Ndrejaj.

Në gjithë vendin të infektuar me koronavirus deri më tani janë gjithsej 1.032 raste, me gjithsej 29 raste të vdekjes, të cilët kanë pasur sëmundje të tjera shoqëruese. Ndërsa numri i përgjithshëm i të shëruarve deri më sot është gjithsej 785 raste, përcjell Albinfo.ch.