Ka shpresë që tifozët të kthehen në stadiume, por duhet të regjistrohen në hyrje!

Është thelbësore që të gjithë në një stadium apo sallë koncertesh të regjistrohen me emër, në mënyrë që të krijohet mundësia e ndjekjes së gjurmëve të virusit

Shkalla e infeksioneve të reja në Zvicër mbetet e ulët – vetëm 10 raste të reja në 24 orët e fundit, sipas Zyrës Federale të Shëndetit Publik.

Shifrat kanë rënë pavarësisht heqjes së shumë kufizimeve të bllokimit. Në një konferencë për shtyp u tha se ka shpresë se stadiumet sportive do të rihapen, shkruajnë mediat zvicerane.

Daniel Koch nga Zyra Federale e Shëndetit thotë se ka një shans që tifozët do të jenë në gjendje të shikojnë ekipet e tyre të preferuara nga korriku, përcjell albinfo.ch.

Është thelbësore që të gjithë në një stadium apo sallë koncertesh të regjistrohen me emër, në mënyrë që të krijohet mundësia e ndjekjes së gjurmëve të virusit.

Këtë ide, si masë lehtësuese, ai e ka hedhur në diskutim duke pasur parasysh se ndeshjet ilegale të futbollit si ato që i pamë para pak ditësh në Gjenevë ose Lozanë janë, sipas tij, shumë më të rrezikshme, transmeton albinfo.ch. Sidoqoftë, Këshilli Federal është ai që vendos përfundimisht se kur do të lejohen sërish ndeshjet e futbollit dhe koncertet me shikues.

---