Boeing planifikon mbylljen e mbi 12 mijë vendeve të punës

Për shkak të krizës së shkaktuar nga pandemia e koronavirusit, kompania amerikane për prodhimin e aeroplanëve, Boeing tha të mërkurën se po planifikon mbylljen e më shumë se 12,000 vendeve të punës në Shtetet e Bashkuara.

Boing njoftoi në prill që do të shkurtojë 10% të fuqisë punëtore deri në fund të vitit 2020.

Kompania po ul kostot, pasi një rënie të kërkesës së fluturimeve gjatë pandemisë së koronavirusit.

Shefi Ekzekutiv Dave Calhoun u tha punonjësve përmes një email-i se “ndikimi shkatërrues i pandemisë në industrinë e linjave ajrore do të thotë një rënie e numrit të shërbimeve tregtare për të cilat klientët tanë do të kenë nevojë gjatë viteve të ardhshme, gjë që do të thotë më pak punë në linjat tona dhe në zyrat tona”, përcjell Albinfo.ch