Në Shqipëri regjistrohen 23 raste të reja me koronavirus

Gjatë 24 orëve të fundit në Shqipëri janë shënuar 23 rastë të reja me Covid-19.

16 prej tyre janë në Tiranë, 2 në Mat, 2 në Lushnjë, 1 në Durrës, 1 në Librazhd dhe një në Krujë.

Po ashtu janë testuar 21 personel shëndetësor dhe kanë rezultuar pozitive 2 raste.

Në spitalin infektiv aktualisht po trajtohen 26 pacientë, nga të cilët 4 janë në terapi intensive dhe 1 pacient është i intubuar në gjendje të rëndë.

Nga fillimi i epidemisë janë kryer rreth 16 mijë testime molekulare dhe serologjike. Që nga fillimi i epidemisë janë 1122 raste të konfirmuara, prej të cilëve aktualisht janë 232 persona aktivë me Covid-19, kryesisht ne Tiranë, Durrës dhe Krujë, përcjell Albinfo.ch.