Fillon ndërtimi i shtëpisë në Bubq, financuar nga Bebe Rexha

Keystone EPA/GUILLAUME HORCAJUELO

Pas tërmetit të datës 26 nëntor, këngëtarja e njohur me origjinë shqiptare, Bebe Rexha vizitoi fshatin e Bubqit në të cilin premtoi rikontrukturimin e një prej shtëpive të dëmtuara.

Së fundmi me anë të një postimi në rrjetin social ‘Instagram’ ka qenë Bes Kallaku ai i cili ka zbuluar se puna për rindërtimin e shtëpisë ka nisur.

“Ka nisur ndërtimi i shtëpisë së Musait.

U shemb një shtëpi e larë me lot dhe dhembje prej fatkeqsive dhe me bekimin e zotit po ngrihen themelet e reja mbi guret e buzëqeshjes dhe gëzimit të zemrës. Faleminderit @beberexha bekuar qofsh”, ka shkruar Kallaku krah pamjeve në ‘Instagram’.

Kujtojmë se shumë emra të njohur dhanë kontributin e tyre gjatë tragjedisë së orëve të para të mëngjesit më 26 nëntor, duke ndihmuar të gjithë ata që kanë pasur nevojë, shkruajnë mediat shqiptare, përcjell albinfo.ch

https://www.instagram.com/p/CA2pPYmnkR8/?utm_source=ig_embed