Hoti u prit vetëm nga sekretari i Qeverisë

Kryeministri i ri i Kosovës, Avdullah Hoti ka marrë detyrën zyrtrarisht sot, edhe pse me një ceremoni më ndryshe.

Ai ka arritur i vetëm në qeveri, me gardë ceremoniale të Forcës së Sigurisë së Kosovës, por në hyrje te ndërtesës pritej vetëm nga sekretari i qeverisë dhe jo nga paraardhësi i tij, ish-partneri i koalicionit qeverisës, Albin Kurti, përcjell albinfo.ch.

Kurti është shprehur një ditë më parë se nuk do ta pretë Hotin, atë që e ka shkarkuar dhe sipas tij është në mbështetje të presidentit Hashim Thaçi.

Hoti i LDK-së që u zgjedh dje kryeministër, do të mbajë sot mbledhjen e parë të qeverisë.

Hera e fundit kur Hoti ishte në ekzekutiv ishte sa mbante postin e zëvendëskryeministrit në Qeverinë Kurti, dhe që u shkarkua nga shefi i tij i atëhershëm.