70 për qind e zviceranëve, për vaksinim të detyrueshëm

Për vaksinim të detyrueshëm janë 82 për qind e evropianëve

Vaksinimi i detyrueshëm mbështetet nga 82 për qind e evropianëve, kryesisht në Spanjë (94 për qind) dhe më së paku në Zvicër (70 për qind), sipas një studimi të publikuar nga grupi farmaceutik gjerman Stada, transmeton albinfo.ch.

Sondazhi u krye nga shkurti deri në mars 2020, duke përfshirë 2000 të anketuar nga Austria, Belgjika, Gjermania, Finlanda, Franca, Italia, Polonia, Rusia, Serbia, Spanjë, Zvicër dhe Mbretëria e Bashkuar.

Një total prej 42 për qind e të anketuarve në Evropë kanë shprehur shqetësimin për mungesën e një vaksine për Covid-19, dhe 50 për qind kanë frikë se një nga të dashurit e tyre do të infektohet me virus ose do të vdesin, transmeton tutje albinfo.ch.

Rezultatet e sondazhit treguan gjithashtu se 61 për qind e të anketuarve në Evropë besojnë se kujdesi mjekësor gjatë krizës aktuale në vendin e tyre është pozitiv ose shumë pozitiv, krahasuar me 15 për qind që kritikojnë kushtet e trajtimit. Normat më të larta të miratimit janë në Spanjë dhe Mbretëria e Bashkuar. /Albinfo.ch

---