Gjermani: Mbi 1000 të infektuar vetëm në fabrikën e mishit “Tönnies”

Seria e infeksioneve në ambientet e fabrikës së mishit Tönnies në Rheda-Wiedenbrück, Gjermani ka vazhduar

Përhapjet e koronavirusit, siç ka ndodhur në thertoren Tönnies, ka bërë që numri i rasteve në Gjermani të rritet ndjeshëm. Brenda 24 orëve, autoritetet shëndetësore në Gjermani kanë raportuar në Institutin Robert Koch (RKI) 601 infeksione të reja me koronavirus, shkruan srf.ch.

Një ditë më parë, numri prej  770 rasteve të reja ishte dukshëm më i lartë se ai ditës pararendëse, transmeton albinfo.ch. Rritja e numrit të rasteve ka ardhur  veçanërisht për shkak të shpërthimeve më të mëdha në Rhein-Westfalen, Hessen dhe Berlin, thonë në RKI.

Deri më tani 189.135 persona në Gjermani janë infektuar me Sars-CoV-2 që nga fillimi i krizës së koronavirusit, përcjell albinfo.ch. Kështu raportohet nga RKI (statusi i të dhënave 20 qershor 00:00). 8883 njerëz për të cilët është vërtetuar se ishin të infektuar me virus, kanë vdekur.

Seria e infeksioneve në ambientet e fabrikës së mishit Tönnies në Rheda-Wiedenbrück, Gjermani ka vazhduar. Ndërkohë, 1029 të punësuar kanë rezultuar pozitivë pas testimit për virusin.

 

---