Pandemia po ndikon edhe tek të diplomuarit në shkolla të mesme

Pandemia bëri që të mbyllen edhe shkollat dhe mësimi të zhvillohen online. Por tani, pandemia po ndikon edhe tek të diplomuarit në shkolla të mesme. Ata tani do të përballen me një realitet tjetër.

Tradicionalisht shumë nga maturantët, pas diplomimit në shkollë të mesme, zgjedhin që një vit para se të fillojnë studimet, të shkojnë për pushim, të bëjnë stazh ose të fitojnë para. Kjo “pauzë” kohore ju ndihmon atyre të jenë më të sigurt se çfarë duan të studiojnë në të ardhmen.

Por duket se pandemia e ka ndryshuar këtë ritual.  Tani ata duan që të fillojnë menjëherë me trajnime.

Për këtë problem për gazetën srf.ch ka folur këshilltari i studimeve Iris Geissbühler, përcjell albinfo.ch.

Sipas tij, shumë maturant kanë deklaruar se planet e tyre për vitin e ardhshëm janë prishur si pasojë e pandemisë.

Të diplomuarit tani duan të fillojnë menjëherë trajnimin. Kjo pasi tashmë ka ndryshuar edhe tregu i punës. Tani nuk është aspak e lehtë të gjesh një vend pune.

Po ashtu edhe udhëtimet e planifikuara nuk janë të mundshme ose të sigurta. Prandaj të gjithë që kanë përfunduar shkollimin e mesëm, preferojnë të fillojnë menjëherë trajnimet.

Universiteti i Cyrihut ka rreth 15 përqind më shumë regjistrime për semestrin e vjeshtës sesa vitet e tjera, thotë Geissbühler.

Problem tjetër për maturantët është se ata nuk do të kenë më hapësirë dhe kohë për të menduar se çfarë duan të studiojnë, pasi duhet që këtë vendim ta marrin menjëherë. Shumica e kanë të vështirë sepse kanë frikë se mos po bëjnë zgjedhjen e gabuar.

Padyshim që 40 përqind e maturantëve, tani kanë një proces të përshpejtuar para tyre.

---