Tre shqiptarë prangosen në Londër, kërkoheshin nga Italia dhe Franca

Skuadra e ekstradimeve në policinë londineze ka arrestuar tre shqiptarë të kërkuar për trafik droge në Itali dhe Francë.

Sipas mediave angleze, është arrestuar Patjim Mema, 46-veçar, për t’u ekstraduar në Itali.

Ndaj tij janë ngritur akuza në Itali për trafik droge. Mema mbahet në burg dhe procesi i ekstradimit do të zhvillohet në muajt në vazhdim.

Ndërsa, Dano Lamaj, 42-vjeç, banues në Barnet, në veri të Londonit, akuzohet në Itali për konspiracion në trafik droge. Sipas gazetarit Jon Austin, shqiptari Lamaj po e zhvillon procesin e ekstradimit në gjendje të lirë, pasi pagoi një garanci në gjykatë në vlerën e 10 mijë sterlinave, përcjell albinfo.ch.

Ndërkaq, Sazan Sula, 26-vjeç është arrestuar në Londër pasi kërkohet në Francë për trafik droge.

Sipas medias angleze, në Agli edhe më parë janë arrestuar disa shtetas të tjerë shqiptarë, për t’iu dozuar drejtësisë italiane.

Mentor Shehu, 46-vjeç, ish-anëtar i bandës së Shijakut, një organizatë e fuqishme narkotrafiku, është prangosur në qershor 2020 në Londër. Është e paqartë si ai u fut në Angli dhe kërkoi azil. Shehu kundërshton procesin e ekstradimit dhe mbahet në burg.

Një tjetër shqiptar, Taulant Stocia, 33-vjeç, pronar i Roma Milano Cafe në Walthamstow, në lindje të Londrës, u arrestua në bazë të European Arrest Warrant (EAW) lëshuar nga Italia.

Ai akuzohet për trafik droge nga Holanda në Itali. Stocia po e zhvillon procesin e ekstradimit pas marrjes së lirisë me kusht kundrejt garancisë pasurore prej 20,000 stërlina.

Edhe 24-vjeçari Fation Arapi, i arrestuar në qytetin Peterborough këtë fillim viti, kërkohet në Itali si anëtar i një grupi kriminal që shiste kokainë në Romë.

Për qëllim ekstradimi nga Anglia drejt Italisë është prangosur edhe 51-vjeçari Vehap Biba, ish-anëtar i bandës së Indrit Dokles në Durrës.

Ai u lokalizua se fshihej në lagjen Feltham, në perëndim të Londrës.

Në 2011 Biba do të dënohej nga drejtësia shqiptare me 8 vjet burgim për trafik heroine drejt Italisë.