Greqia shtyn afatin për mbylljen e kufijve me Shqipërinë

Greqia ka vendosur të shtyjë afatin për mbylljen e kufijve me Shqipërinë.

Me anë të një postimi në rrjetet sociale, Ambasada greke njofton se duke nisur nga kjo e mërkurë e deri më 4 gusht mbetet në fuqi ndalimi i hyrjes së qytetarëve nga Shqipëria për në Greqi, përcjell albinfo.ch.

Përjashtim bëjnë vetëm grekët dhe personat që e kanë vendbanim kryesor në shtetin fqinj.

Ambasada thekson se udhëtarët duhet të plotësojnë formularin elektronik, të cilin duhet ta deklarojnë vetëm nga pikat kufitare të Kakavijës dhe Kapshticës.

Por, ky proces nuk ka funksionuar sot në doganën e Gjirokastrës, çka ka shkaktuar edhe radhë të gjata të emigrantëve në kufi.