Çka shkaktoi në vdekjen e 10 personave në Zvicër

(KEYSTONE/Jean-Christophe Bott)

Një çështje kriminale është hapur kundër një prodhuesi të djathit në Zvicrën qendrore pas një seri vdekjesh të lidhura me helmimin nga listeria.

Ai akuzohet për vrasje nga pakujdesia dhe lëndime trupore, si dhe për kundërshtim të Aktit Federativ për Ushqime, tha Prokurori i Përgjithshëm i kantonit Schwyz të enjten, raportojnë mediat zvicerane, përcjell albinfo.ch.

Djathi i infektuar nga patogjeni i listeria u shit në një periudhë dy vjeçare nga prodhuesi, i cili që nga ajo kohë është mbyllur.

Zyra e Prokurorit të Përgjithshëm në Schwyz njoftoi se hetimet filluan në vitin 2018. U vërejtën rreth 34 raste gjatë dy viteve, me dhjetë nga këta 34 pacientë që vdisnin.

Kjo përfshin katër pacientë në Spitalin Valais në Sion të cilët u infektuan pasi hëngrën djathin midis marsit dhe majit të këtij viti. Një prej pacientëve, i cili kishte një formë serioze të kancerit, vdiq, përcjell tutje albinfo.ch.

Listeria, një baktere e lindur nga ushqimi, është veçanërisht e rrezikshme për ata me sistem imuniteti të dobët dhe për gratë shtatzëna dhe të porsalindurit. Ata me sistem të fortë imunitar rrallë preken seriozisht.