Franca shënon rekord të të infektuarve me Covid

Keystone (AP Photo/Francisco Seco, File)

Franca ka regjistruar rritjen e saj më të madhe ditore të infeksioneve me koronavirus që nga marsi, ndërsa presidenti francez, Emmanuel Macron, ngriti mundësinë e një bllokimi tjetër në gjithë vendin. 7 mijë e 379 raste u konfirmuan të premten, duke e çuar totalin e vendit në 267 mijë e 77 raste me Covid-19, transmeton rtv21.

Ishte rreziku më i madh ditor që nga 31 marsi, kur u shënuan 7 mijë e 578 raste. Ministria e Shëndetësisë tha se Franca po shënon një rritje “eksponenciale” të rasteve.

Me gjithë rritjen e mprehtë, numri i të shëruarve dhe vdekjeve të përditshme ishte relativisht i qëndrueshëm, pasi të rinjtë e prekur nga sëmundja përbëjnë shumicën e infeksioneve të reja.

20 persona të tjerë u konfirmuan se kishin vdekur me Covid-19 të premten, duke e çuar numrin e përgjithshëm të vdekjeve në Francë në 30 mijë e 596.