Kosovë: 33 raste të reja me koronavirus dhe asnjë vdekje

Gjatë 24 orëve të fundit, janë shëruar 46 pacientë ndërsa numri i përgjithshëm i të shëruarve deri më sot është gjithsej 14.189 raste, kurse numri i rasteve aktive është 1.144

Instituti Kombëtar i Shëndetit Publik i Kosovës njofton se gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 711 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 33 raste pozitive.
Brenda 24 orëve nuk është raportuar asnjë rast i vdekjes me SARS CoV-2 pozitiv.

Numri total i rasteve pozitive deeri më tash është 15.971 raste nga 73.287 persona të dyshimtë për  virusin SARS-CoV-2 dhe 638 raste të vdekjes.

Gjatë 24 orëve të fundit, janë shëruar 46 pacientë ndërsa numri i përgjithshëm i të shëruarve deri më sot është gjithsej 14.189 raste, kurse numri i rasteve aktive është 1.144.

Rastet pozitive janë nga këto komuna: Prishtinë 14 raste, Gjilan 3 raste, Mitrovicë 3 raste,  Viti 3 raste dhe me nga një rast komunat Ferizaj, Fushë Kosovë, Gjakovë, Hani Elezit, Kamenicë, Klinë, Pejë, Skenderaj, Suharekë dhe Vushtrri.

---