Pasojat e Covid-19 sektori i turizmit zviceran do t’i vuajë deri në vitin 2023-2024

Keystone - Andreas Fischinger

Sektori i turizmit i Zvicrës i goditur rëndë nga pandemia, do të vazhdojë të ‘vuajë’ për tre ose katër vjet, sipas një zyrtari qeveritar.

“Ne nuk presim një rimëkëmbje të plotë [të sektorit të turizmit] deri në vitin 2023 ose 2024,” tha Erik Jakob, nga Sekretariati Shtetëror për Çështjet Ekonomike (Seco) të premten para gazetarëve në Bern.

Jakob përshkroi një rënie historike të turizmit në Zvicër në vitin 2020 dhe ndryshime të mëdha në turizëm midis qyteteve dhe rajoneve malore. Turizmi urban po vuan më shumë, tha ai, me një rënie të shitjeve deri në 60%.

Por rajone të caktuara turistike, të tilla si kantonet Valais, Ticino dhe Graubünden, përfituan nga të ftuar të shumtë vendas në verë për të lehtësuar ‘dhimbjen’. Në fillim të këtij muaji Zyra Federale e Statistikave njoftoi për një rritje prej 15.6% të numrit të qëndrimeve nga vizitorët vendas në gusht, krahasuar me vitin e kaluar.

Zyrtarët e turizmit ndërkohë po vëzhgojnë me padurim sezonin e ardhshëm të dimrit, i cili sjell zakonisht rreth 2 miliard në vit, shkrun swissinfo.ch, përcjell albinfo.ch