Presidenti i FIFA-s, Infantino, rezulton pozitiv për koronavirus

Infantino, i cili drejton Fifa-n që nga shkurti i vitit 2016, është shfaqur për herë të fundit në publik në Samitin e Pajtueshmërisë FIFA nga 12 deri më 16 tetor

Presidenti i FIFA-s, zvicerani nga Valisi, Gianni Infantino ka rezultuar pozitiv për koronavirusin. Këtë njoftim e ka dhënë të martën Organizata Botërore e Futbollit.

50-vjeçari kishte “simptoma të lehta” dhe menjëherë është futur në vet-izolim. Ai të qëndrojë në karantinë për “të paktën 10 ditë”, shkruan srf.ch.

Njerëzit që kanë pasur kontakt me Infantinon në ditët e fundit janë informuan në përputhje me rrethanat dhe u është kërkuar të ndërmarrin hapat e nevojshëm.

Infantino, i cili drejton Fifa-n që nga shkurti i vitit 2016, është shfaqur për herë të fundit në publik në Samitin e Pajtueshmërisë FIFA nga 12 deri më 16 tetor, transmeton albinfo.ch. Ngjarja u zhvillua në formën e një video konference.

---