Demi: Prej diasporës nuk përfiton vetëm familja e ngushtë, por e tërë shoqëria

Aktivisti i njohur i shoqërisë civile në Kosovë, Agron Demi ka shprehur pikëpamjet e tij për sa i përket debatit të nxitur ditëve të fundit në Kosovë rreth diasporës.

Demi ka thënë se vetëm këtë vit pritet që të arrijnë mbi 1 miliard euro nga diaspora. Sipas një studimi të UNDP, 70% e remitencave shpenzohet në konsum, arsim e shëndetësi.

“Prej kësaj shume, së paku 128 milionë euro shkojnë direkt bë buxhet të shtetit si tatime. Sa për krahasim, Pakoja Emergjente Fiskale si reagim ndaj pandemisë ka qenë 190 milionë euro. Prej kësaj pakoje kanë përfituar kategoritë sociale, janë pagu qeratë e bizneseve, janë pagu pagat e punëtorëve e kompensimet për të papunët. Nga kjo pako kanë përfitu edhe ato mediume që nxisin urrejtje kundër 700 mijë pjesëtarëve të diasporës”, ka shkruar Demi, përcjell tutje Albinfo.ch.

Për më tepër, Demi thekson se indirekt diaspora financon edhe ata që nxisin urrejtja ndaj saj.

“Kjo nuk do të thotë që diaspora ka të drejtë tash me shpërnda grushte. Por, për mos me ndodhë kjo, duhet prokuroria të reagoj kur dikush i tejkalon limitet e fjalës së lirë dhe nxitë urrejtje”, shkruan tutje ai.