BBC: Stuhia e frikshme e borës në Spanjë do të prekë Shqipërinë javën e ardhshme

FOTO: APA/ERWIN SCHERIAU

Stuhia e cila prej ditësh ka mbërthyer Madridin, pritet të mbërrijë në Shqipëri në javën e dytë të muajit janar. Alarmin e kanë dhënë meteorologët në Britaninë e Madhe.

Sipas BBC, situata në Madrid është rënduar, ndërkohë që pritet që reshjet e dëborës të vazhdojnë edhe përgjatë ditës së nesërme, përcjell Albinfo.ch.

Ndërsa më pas stuhia pritet të lëvizë drejt Europës Lindore, kryesisht në Ballkan. Gjatë javës së dytë të janarit në këto zona do të ketë reshje të mëdha shiu dhe dëbore. Zonat që do të preken fillimisht do të jenë Shqipëria dhe Greqia, ndërsa më pas edhe pjesa qendrore e Ballkanit.

Sipas autoriteteve në Madrid është regjistruar trashësia e borës më e madhe në 40 vjetët e fundit. Mbrëmjen e kaluar ushtria doli në terren, ndërsa qytetarët janë këshilluar të shmangin lëvizjet e panevojshme.