Nga 130 mijë aplikacione nga diaspora, 46 mijë janë aprovuar

Nga telefonatat që KQZ-ja i ka realizuar për verifikim, sipas Elezit, 51 persona kanë thënë se nuk janë personat konkretë.

Komisioni Qendror i Zgjedhjeve ka bërë të ditur se shërbimi votues është duke vazhduar punën intensive me regjistrimin dhe verifikimin e aplikacioneve të pranuara.

Zëdhënësi i KQZ-së, Valmir Elezi, ka thënë se deri sot në sistem janë futur 130 mijë aplikacione për regjistrim, kurse prej tyre janë aprovuar rreth 46 mijë.

Tutje ai ka thënë se sipas të dhënave nga shërbimi votues janë edhe 27 mijë e-maila të pahapura. Elezi ka shtuar se të gjithë qytetarët të cilët regjistrohen suksesshëm si votues jashtë Kosovës, do të mundet të votojnë përmes postës duke filluar nga 2 shkurt, raporton rtv 21, përcjell Albinfo.ch.

“Sipas Ligjit për Zgjedhjet e Përgjithshme, fletëvotimet duhet të pranohen nga KQZ-ja deri më 12 shkurt.

Gjithashtu, sipas Elezit, nga telefonatat që KQZ-ja i ka realizuar për verifikim,  51 persona kanë thënë se nuk janë personat konkretë.

“Pra, nuk e kanë emrin, mbiemrin, datën e lindjes dhe shtetin, sikurse në të dhënat nga aplikacioni për regjistrim ose kanë deklaruar se nuk kanë aplikuar fare për regjistrim për të votuar përmes postës”, theksoi Elezi.

---