KQZ: Ekspertët zgjedhor nga BE-ja kanë arritur në Kosovë

Në mbledhjen e sotme, kryetarja e KQZ-së, Valdete Daka ka bërë të ditur se në Kosovë ka arritur ekipi i ekspertëve zgjedhor nga Bashkimi Evropian.

Po ashtu, Daka ka shtuar se ky ekip do të monitoroj procesin zgjedhor në Kosovë.

“Tashmë ka arritur një ekip i ekspertëve zgjedhor nga BE që do të jenë këtu dhe tashmë kanë filluar monitorimin e KQZ para zgjedhjeve, gjatë ditës së zgjedhjeve dhe pas procesit të zgjedhjeve”, ka thënë Daka.

Gjithashtu, Daka ka shtuar se Bashkimi Evropian për shkak të situatës me pandeminë nuk kanë mundur të dërgojnë mision sikurse herëve të tjera.

Ajo ritheksoi se grupi i ekspertëve që ka arritur do të hartojë edhe një raport në fund të procesit zgjedhor.

“Me sa e di në fund të marsit do ta kenë një raport lidhur me atë se çfarë ka ndodhur në këto zgjedhje”, tha Daka.