Vetëvendosje shkon në zgjedhje pa prijës liste

Lëvizja Vetëvendosje do të jetë pa prijës në listës e kandidatëve për deputetë në zgjedhjet e 14 shkurtit, pasi partia nuk ka bërë rirenditje të kandidatëve në listë, pasi Gjykata Supreme vendosi për moscertifikim të disa kandidatëve të kësaj partie, përfshirë kryetarin e saj, Albin Kurti, që ishte numri një në listë.

Në mbledhjen e së shtunës, Komisioni Qendror i Zgjedhjeve ka vendosur që pasi partitë s’kanë vendosur për rirenditje, nuk i takon këtij institucioni të bëjë ndryshime nëpër lista, raporton koha, transmeton Albinfo.ch.

Tek Vetëvendosje, pos numrit 1, atij të Albin Kurtit, janë hequr nga lista edhe emrat e Albulena Haxhiut dhe Bajram Mavriqit.

Rirenditje s’kanë pranuar të bëjnë as Aleanca për Ardhmërinë e Kosovës e Nisma Socialdemokrate.