Golfi i jep fund prodhimit në SHBA për disa arsye

Volkswagen flitej prej vitit 2019 se do të ndalë prodhimin e Golfit në SHBA, ndërsa sot këtë e ka bërë të ditur edhe zyrtarisht.

Prodhuesi gjerman i veturave ka bërë të ditur se ka ndalur prodhimin e modelit Golf në SHBA. Prodhimi i Golfit bëhej në fabrikën e kësaj kompanie në Puebla, Meksikë.

Shitja e modelit Golf në SHBA ka filluar në vitin 1974, ndërsa modeli i fundit i tij që do të shitet në SHBA është modeli i 2021-ës.

Megjithatë modelet sportive, si Golf GTI dhe Golf R do të vazhdojnë të prodhohen për tregun amerikan.

Që prej hyrjes në treg të SHBA-së, 46 vjet më parë, Volkswagen ka shitur 2.5 milionë Golf, edhe pse fillimisht nën emrin Rabbit, në vitin 1985 ky model mori emrin Golf.

Arsyeja kryesore qëndron tek goditja e pandemisë, ku shpenzimet e mëdha dhe numri i lartë i shpenzimeve ka bërë që kjo fabrik të mos filloi prodhimin e saj në vitin 2021.

Nga ana tjetër, pikëpamjet se shitja e modeleve të kësaj marke do të jenë të larta, nuk ka rezultuar sipas pritshmërive të tyre. /Albinfo.ch