Zviceranët, të njohur për kultivimin e shumëgjuhësisë

Pjesa e njerëzve në Zvicër që flasin një gjuhë jokombëtare është rritur ndjeshëm, nga 4 për qind në 23 për qind

Zviceranët janë të njohur për shumëgjuhësinë e tyre. Mbi dy të tretat e popullsisë së rritur rregullisht përdorin më shumë se një gjuhë, transmeton albinfo.ch.

Ata kanë nevojë për këto aftësi për të komunikuar me njëri-tjetrin, qoftë në vendin e punës, qoftë në katër rajonet e ndryshme gjuhësore.

Pjesa e njerëzve në Zvicër që flasin një gjuhë jokombëtare (d.m.th. përveç gjermanishtes, frëngjishtes, italishtes dhe retomanishtes) është rritur ndjeshëm nga 4 për qind në 23 për qind, sipas të dhënave të publikuara nga Zyra Federale e Statistikave (FSO) të enjten, transmeton albinfo.ch.

Në mesin e njerëzve, gjuha amtare e të cilëve nuk është një nga gjuhët kombëtare të Zvicrës, folësit e anglishtes përbëjnë pjesën më të madhe, në gati 6 për qind të popullsisë.

Kështu që me të drejtë thuhet se Zvicra ka një laramani të gjuhëve që përdoren në një vend. /Albinfo.ch

---