LVV kërkon të votohet Kurti, pavarësisht se emri i tij nuk është në listë

Derisa KQZ-ja ka bërë të ditur se çdo votë për kandidatët që nuk janë në listën për deputet, janë të pavlefshme.

Ndonëse emri i tij është larguar prej listës së deputetëve nga ana e KQZ-së, Lëvizja Vetëvendosje ka kërkuar nga qytetarët që ta votojnë Albin Kurtin për deputet në zgjedhjet e 14 shkurtit, transmeton albinfo.ch.

Në një postim në Facebook, Vetëvendosje i ka ftuar simpatizantët e saj të votojnë për Kurtin, pasi sipas tyre secila votë do të numërohet.

“Secila votë për Vetëvendosjen – 127 – do të jetë e vlefshme! Mos i dëgjoni ata që thonë ndryshe. Votoni 127, pastaj zgjidhni jo më shumë se pesë numra kandidatësh nga lista jonë. Secila votë do të numërohet, që prej numrit 1 që është Albin Kurti, e deri në fund”.

Nga ana tjetër, KQZ-ja ka bërë të ditur se çdo votë për kandidatët që nuk janë në listën për deputet, janë të pavlefshme. Vota si e tillë për subjektin do të numrohet, por në aspektin për deputetë nuk do të numrohet, sqaron KQZ-ja. /Albinfo.ch.

---