TikTok, aplikacioni më fitimprurës gjatë janarit

Në janar “TikTok” ishte aplikacioni më fitimprurës (jo i lojërave) globalisht, duke fituar gati 128 milionë dollarë nga përdoruesit me pagesë dhe me një rritje të të ardhurave prej 3,8 herë më shumë se gjatë së njëjtës periudhë më 2020, sipas analizës së tregut nga “SensorTower”.

“TikTok”, në pronësi të kompanisë kineze ByteDance, përdoret gjerësisht nga adoleshentët për të ndarë video të shkurtra muzikore dhe, gjithashtu, për sfida e konkurse me temë në internet, transmeton Ansa, përcjell Albinfo.ch.

Aplikacioni i dytë më fitimprurës jolojërash ishte “Piccoma”, një shërbim abonimi japonez i mangave, që fitoi 96 milionë dollarë në janar 2021.