BE me rregulla të reja privatësie për komunikimet në internet

(KEYSTONE/Gaetan Bally)

Shërbimet e mesazheve ose videokonferencave në internet, si Messenger, WhatsApp ose Zoom do t’u nënshtrohen rregullave më të rrepta të privatësisë në BE, sipas një projekti të nisur sot.

Ambasadorët e 27 vendeve anëtare të Bashkimit Europian miratuan një propozim kompromisi, i paraqitur nga Portugalia, që mban presidencën e rradhës së BE-së, në një tekst të bllokuar që nga viti 2017, raportin Afp, përcjell Albinfo.ch.

“Rruga nuk ka qenë e lehtë”, pranoi Ministri portugez për Infrastrukturën, Pedro Nuno Santos.

“Kompromisi është një ekuilibër i mirë midis një mbrojtjeje të fortë të privatësisë së individëve dhe promovimit të zhvillimit të teknologjive të reja dhe inovacionit”, shtoi ai.

Drafti i rregullores, i cili tani duhet të negociohet me Parlamentin Europian, përditëson direktivën e vitit 2002, “ePrivacy”, që zbatohej vetëm për operatorët tradicionalë të telekomit, për të marrë parasysh shfaqjen e lojtarëve të rinj dhe teknologjive të reja të komunikimit elektronik.