KQZ akrediton rreth 30 mijë vëzhgues për zgjedhjet e nesërme

Komisioni Qendror i Zgjedhjeve ka bërë të ditur se ka përmbyllur procesin e akreditimit të vëzhguesve vendorë dhe ndërkombëtarë.

Sipas KQZ-së, numri i përgjithshëm i vëzhguesve të akredituar është rreth 30 mijë.

“KQZ-ja ka përmbyllur procesin e akreditimit të vëzhguesve vendorë dhe ndërkombëtarë. Numri i përgjithshëm i vëzhguesve të akredituar është rreth 30 mijë. Sipas listës, KQZ-ja ka akredituar: 18 ambasada me 146 vëzhgues; 6 organizata ndërkombëtare dhe institucione me 37 vëzhgues; 1 institucion publik me 43 vëzhgues; 26 organizata joqeveritare vendore me 1 mijë e 713 vëzhgues; 23 subjekte politike 26 635 vëzhgues; dhe 63 media vendore dhe ndërkombëtare me 626 vëzhgues”, ka njoftuar zëdhënësi i KQZ-së, Valmir Elezi.