Shqipëri: 16 parti politike garojnë për zgjedhjet e 25 prillit

Komisioneri Shtetëror i Zgjedhjeve regjistroi sot për zgjedhjet e 25 prillit 16 parti politike.

Komisioneri Shtetëror i Zgjedhjeve zhvilloi sot seancë publike, ku shqyrtoi projektvendimet për kërkesat për regjistrim si subjekte zgjedhore për zgjedhjet për Kuvend të datës 25 prill 2021, të 16 partive politike dhe një komiteti nismëtar, njoftoi sot zyra për shtyp e KQZ, transmeton atsh, përcjell Albinfo.ch.

Pas shqyrtimit të dokumentacionit, Komisioneri vendosi të regjistrojë si subjekte zgjedhore partitë politike dhe komitetin nismëtar:

1. Partia Bashkimi Popullor i Pensionistëve Shqiptarë;
2. Partia Aleanca për Barazi dhe Drejtësi Europiane;
3. Partia Kombëtare Konservatore Albania;
4. Partia Lëvizja Punëtore Shqiptare;
5. Partia Bashkimi Liberal Demokrat;
6. Partia Socialiste e Shqipërisë;
7. Partia Lëvizja Socialiste për Integrim;
8. Partia Bashkimi për të Drejtat e Njeriut;
9. Partia Demokratike e Shqipërisë;
10. Partia Republikane Shqiptare;
11. Partia Aleanca Demokristiane e Shqipërisë;
12. Partia Minoriteti Etnik Grek për të Ardhmen;
13. Partia Nisma Thurje;
14. Partia Social Demokrate;
15. Partia Aleanca Kombëtare;
16. Partia Demokracia Sociale;
17. Regjistrimin e komitetit nismëtar që do të organizojë punën për paraqitjen e Iljaz Shehu si kandidat i propozuar nga zgjedhësit në zonën zgjedhore qarku Lezhë.