Xhavit Haliti, i vetmi nga opozitarët që votoi Konjufcën

Glauk Konjufca ka marrë vetëm një votë nga opozita dhe ajo ishte nga Xhavit Haliti

Glauk Konjufca nga LVV-ja është zgjedhur sot kryetar i Kuvendit të Kosovës me 69 vota.

Konjufca ka marrë një votë nga deputeti i opozitës, Xhavit Haliti, i cili ka votuar në favor të tij. Haliti nga PDK-ja ishte i vetmi nga opozita që votoi pro Konjufcës, përcjell albinfo.ch.

“S’kam bërë një vepër heroike e as tradhti kombëtare. Ne duhet të flasim e të bashkëpunojmë në politikëbërje, veçanërisht tani në sfidat që na presin. Përderisa i takon VV-së, pozita e Kryetarit të Kuvendit me Kushtetutën e Kosovës, përse të mos e votoj unë nëse elektorati i ka votuar”, është shprehur Haliti, raportojnë mediat kosovare.

Konjufca tashmë ka pranuar edhe zyrtarisht detyrën e tij si kryetar nga ish-kryeparlamentarja Vjosa Osmani.

---