Zvicër: 700 persona nuk e kanë përmbushur detyrimin e testit në kufij

Në 20 për qind të rasteve, atyre u është shqiptuar një gjobë prej 200 frangash, thonë në Administratën Federale Doganore

Rreth 700 njerëz që kanë udhëtuar në Zvicër nga një vend me rrezik, kanë hyrë në vend pa ofruar test negativ, që nga hyrja në fuqi e testimit të detyrueshëm.

Në 20 për qind të rasteve, atyre u është shqiptuar një gjobë prej 200 frangash, raporton gazeta “Schweiz am Sonntag”.

Siç dihet, njerëzit që hyjnë në Zvicër me makinë, autobus ose tren nuk kontrollohen gjithmonë, sepse Administrata Federale e Doganave (EZW) kryen vetëm kontrolle të rastit (sipas mostrës).

EZW ka konfirmuar për agjencinë e lajmeve Keystone-SDA,  se rreth 700 njerëz nuk kishin përmbushur detyrimin e pasjes  së testit deri më tani.

Kontrollet zhvillohen “bazuara në rrezikun dhe në mënyrë sporadike”, transmeton albinfo.ch.

Si rregull, EWZ nuk lëshon gjoba nëse ajo dhe stafi i saj janë të pranishëm në një pikë kufitare dhe udhëtarët japin informacione të vërteta për qëllimin e udhëtimit të tyre.

---