Qiratë në Zvicër po rriten, pavarësisht pandemisë

Kostoja e marrjes me qira të një apartamenti në Zvicër varet nga rajoni.

Në fund të marsit qiratë në Cyrih u rritën 0.9 për qind dhe në rajonet zvicerano-franceze u rritën me 0.2 për qind krahasuar me shkurtin, sipas indeksit të Ofertës Zvicerane të Pasurive të Patundshme, transmeton albinfo.ch.

Rritjet u shënuan gjithashtu në Zvicrën veriperëndimore (+ 0.3 për qind), pjesa lindore e vendit (+ 0.2 për qind) dhe Ticino (+1.9 për qind).

Çmimet e pronave të banimit vazhdojnë të rriten në Zvicër, pavarësisht pandemisë. Shtëpitë në pronësi dhe ato me qira janë më të shtrenjtat në rajonin e Liqenit të Gjenevës, i cili përfshin kantone të Gjenevës dhe Vaud.