Zvicra del kundër kritikës së SHBA-së ndaj Kinës, për koronavirusin

SHBA kritikon raportin e hetimit nga OBSH dhe Kina. Trembëdhjetë vende duan një hetim të mëtejshëm mbi origjinën e Covid-19, Zvicra nuk u bashkohet

Një studim i përbashkët i realizuar nga Organizata Botërore e Shëndetësisë në bashkëpunim me Kinën konstaton se koronavirusi është transmetuar nga lakuriqët e natës tek njerëzit përmes një kafshe tjetër. Prandaj është “tepër e pabesueshme” që virusi të ketë ardhur nga laboratori.

Por SHBA nuk dëshiron ta pranojë këtë konstatim dhe në të njëjtën ditë ka lëshuar ​​një deklaratë në të cilën u kritikuar ashpër raporti përfundimtar i ekipit hulumtues, shkruan NZZ.

Sipas SHBA-së, ka një mungesë të dhënash nga Kina dhe hetimi ka filluar shumë vonë.

Ekspertët e Organizatës Botërore të Shëndetësisë ishin në fillim të këtij viti, në Wuhan, vendin nga ku filloi pandemia. Raporti i tyre është vonuar disa herë dhe është bërë objekt i grindjeve diplomatike.

Zvicra nuk bashkohet

Zvicra është kontaktuar lidhur me këtë nga SHBA, përmes ambasadës amerikane në Bernë, transmeton albinfo.ch. Por ajo vendosi të mos i bashkohet kësaj deklarate dhe të sillet me kujdes në lidhje me temën, ka konfirmuar zyra e mediave për NZZ.

Trembëdhjetë vende kanë nënshkruas deklaratën e SHBA. Përfshirë Kanadanë, Britaninë e Madhe, Australinë dhe Izraelin. Vende të ndryshme të BE-së si Gjermania, Danimarka dhe Republika Çeke gjithashtu kritikojnë rezultatin e raportit të hulumtimit dhe po punojnë për deklaratën e tyre.

---