Në spitalet e Schaffhausenit nuk ka mbetur i lirë asnjë aparat ventilimi

Aktualisht janë dhjetë pacientë me koronavirus në repartin e izolimit, njoftohet nga spitalet e Schaffhausenit

Spitalet e Kantonit të Schaffhausenit kanë paralajmëruar një ngushtim drastik të kapaciteti në kujdesin e pacientëve me koronavirus, raporton srf.ch.

Disa pacientë të njësisë së kujdesit intensiv është dashur që, për ventilim, të transportoheshin jashtë kantonit gjatë fundjavës.

Aktualisht janë dhjetë pacientë me koronavirus në repartin e izolimit, njoftohet nga spitalet e Schaffhausenit, transmeton albinfo.ch.

Fjala është për gjashtë pacientë në njësinë e kujdesit intensiv, duke përfshirë tre pacientë me korona dhe tre pacientë me sëmundje të tjera.

Të gjithë këta kanë nevojë për ventilim dhe kjo do të thotë që të gjitha pozicionet e ventilimit janë tashmë të zëna.

“Situata aktuale dhe numri i rasteve të raportuara çdo ditë po shkaktojnë shqetësim në rritje në spitalet e Schaffhausenit, përcjell albinfo.chShqetësim shtesë përbën grumbullimi i rreth 1000 protestuesve kundër masave të koronës, ditë më parë, në të cilin, të gjithë pjesëmarrësit ishin pa maska.

Prandaj, spitalet e Schaffhausenit i bëjnë thirrje popullatës “që tu përmbahen masave mbrojtëse që janë në zbatim dhe të mbështesin personelin shëndetësor në përballimin e pandemisë”.

 

---