Universiteti i Gjermanisë e vendos foton e kosovarit në murin e të suksesshmëve

Fotografia e themeluesit të kompanisë LinkPlus, Ermal Sadiku, është vendosur në murin e studentëve të suksesshëm të Universitetit gjerman ‘Offenburg University’.

Lajmin e ka bërë të ditur vetë Sadiku nëpërmjet një postimi në Facebook, i cili ndër të tjera ka shkruar se ndihet shumë i lumtur nga nderimi që i është bërë nga Universiteti ku ka studiuar.

“Universiteti ku kam studiuar ne Gjermani, me paska vendos ne Hall of Fame të studentëve të suksesshëm. Nuk kam pasur bursë, sepse nuk kisha lidhje me politikën.

As të njofshëm, ama shumë zemër. Jam kthy nga ky Universitet me po këtë zemër në vendin tim që e dua shumë. Në këtë universitet ka studiuar edhe CEO i Mercedesit … pos te tjerash”, ka shkruar Sadiku në Facebook.