Arrijnë mbi 38 mijë doza vaksine antiCovid në Kosovë

Është bërë e ditur se sot kanë arritur edhe 38 mijë e 400 vaksina kundër COVID-19 në Kosovë, transmeton albinfo.ch.

Lajmi u bë i ditur nëpërmjet faqes së UNICEF-it teksa u bë e ditur se shpërndarja e tyre do të bëhet në përputhje me Planin Kombëtar të vaksinimit të Ministrisë së Shëndetësisë dhe Institutit Kombëtar të Shëndetësisë Publike në vend.

Për të pritur këtë donacion nga COVAX në aerportin ndërkombëtar “Adem Jashari” kanë dalur kryeministri i vendit, Albin Kurti, ministri i Shëndetësisë, Arben Vitia dhe përfaqësues ndërkombëtar në Kosovë.

“Sot, ne kemi bërë një hap tjetër të rëndësishëm drejt shpërndarjes së barabartë të vaksinave! 38,400 doza shtesë të vaksinës kundër #COVID19 sapo mbërritën në Kosovë përmes COVAX. Shpërndarja do të jetë në përputhje me Planin Kombëtar të Vaksinimit të Ministria e Shëndetësisë dhe Instituti Kombëtar i Shëndetësisë Publike të Kosovës. Që nga mbërritja e 24,000 dozave të para të vaksinës kundër COVID19 në Mars 2021, Ministria e Shëndetësisë zbatoi Planin Kombëtar të Vaksinimit, ku punonjësve shëndetësor dhe të moshuarve u dha përparësi si grupet e para për tu vaksinuar. Bashkë ia dalim! Vaksinohu”, thuhet në njoftimin e UNICEF-it.