Arrestohen tre shqiptarë në Maqedoninë Veriore, drogë me vlerë 200 mijë euro

Foto: Kosovo Police

Sipas mediave maqedonase, MPB-ja përmes një komunikate njofton se më 18.05.2021 nga ana e zyrtarëve policorë nga Departamenti i Policisë Kriminalistike, Sektori për tregti të jashtëligjshme me drogë, armë dhe materie të rrezikshme, në një aksion të përbashkët me Departamentin për Shkatërimin e Krimit të Organizuar dhe Serioz.

Njësinë për shpërndarje të shpejtë dhe SPB-Resnjë kanë privuar nga liria K.K. (25), M.F. (28) dhe F.B. (42), të gjithë nga Republika e Shqipërisë.

Mësohet se me këtë akasion është ndërprerë një kanal ndërkombëtar i drogës narkotike nga Shqipëria, përmes Maqedonisë së Veriut. e destinuar për Republikën e Greqisë, si destinacion i fundit.

Gjatë kësaj, në kuadër të masave dhe aktiviteteve të përforcuara në luftën kundër tregtisë së jashtëligjshme me drogë, gjatë ditës së djeshme janë konfiskuar 65 kilogramë marihuanë me vlerë rreth 200.000 euro.

KlanM thekson se në komunikatën e MPB-së, dje në orët e mëngjesit, në rrugën rajonale nga Tërpejca në Stenje, përmes Parkut Kombëtar Galiçica, ishin ndaluar dy automjete “Mercedes” me targa të Shqipërisë, që kishin marrë pjesë në transportin e dogës. Gjatë kontrollit të automjeteve, ku njëra drejtohej nga K.K., kurse bashkudhëtar ishte M.F., kurse automjeti i dytë nga F.B., janë gjetur dhe sekuestruar 3 çanta të mëdha me marihuanë të paketuara në 44 paketime.

MPB-ja njofton se shtetasit shqiptarë janë ndaluar, kurse me urdhër të Prokurorit Publik nga PTHP-Resnjë, droga është dhënë për ekspertizë, ku është konstatuar se bëhet fjalë për 65 kilogramë marihuanë, kurse kundër tre personave do të ngritet kallëzim penal në PTHP për ndjekjen e krimit të organizuar dhe korrupsionit, sipas Nenit 215 të Kodit Penal.