Vuçiq: SHBA dhe BE po kërkojnë diçka më shumë se njohjen e Kosovës

Sipas Presidentit të Serbisë Aleksandar Vuçiq, qëllimi i SHBA-së dhe Bashkimit Evropian nuk është vetëm njohja e Kosovës por edhe parandalimin e rritjes ekonomike të Serbisë.

Vuçiq, gjatë një emisioni në njërën nga televizionet nacionale Serbë ka thënë se presioni ndaj Serbisë po rritet, sipas tij presioni nuk ka të bëjë vetëm me kërkesën që Beogradi ta njohë Kosovën, por qëllimi është që Serbia të ndalojë rritjen ekonomike, raporton agjencia e lajmeve Tanjug.

Sipas Vuçiq, presioni i SHBA-së dhe BE-së ndaj Serbisë vërehet çartë në kontekstin e Kosovës, ku për këta të dy vetëm njohja e Kosovës është zgjidhje.

“Kam dëgjuar një zyrtar kinez të thotë se problemi nuk ka të bëjë vetëm me Kosovën, por ata duan të rrëzojnë tërë Serbinë përmes Kosovës”, ka thënë Vuçiq.

Ai gjithashtu tha se raportimet e fundit se Athina do të rrisë nivelin e marrëdhënieve të saj diplomatike me Prishtinën si dhe hapja e mundshme e një zyre spanjolle në Prishtinë ishin një pjesë e presionit të madh dhe një fushatë e koordinuar karshi Serbisë.