Konfirmohet: Takimi Kurti-Vuçiq, më 15 qershor

Zyrtarë të Bashkimit Evropian kanë konfirmuar se të martën, më 15 qershor, do të mbahet takimi mes kryeministrit Albin Kurti dhe presidentit të Serbisë, Aleksandër Vuçiq

 

Zëdhënësi për Politikë të Jashtme i BE-së, Peter Stano, në një konferencë për media ka bërë të ditur se takimi i kryeministrit të Kosovës, Kurti dhe kryeministrit të Serbisë, Vuçiq, do të mbahet më 15 qershor në Bruksel.

“Mund të njoftoj se raundi tjetër i dialogut, i ndërmjetësuar nga BE-ja, do të mbahet të martën e ardhshme, më 15 qershor, ku do të takohen presidenti Aleksander Vuçiq dhe kryeministri Albin Kurti. Këto takime do të ndërmjetësohen nga kryediplomati Josep Borell dhe Emisari i BE-së, Miroslav Lajçak”, ka thënë Stano, përcjell Albinfo.ch.

---