Tifozët e Maqedonisë së Veriut, kanë pirë 75.000 litra birrë

Rreth 4,000 tifozë të debutuesit të Evropianit kishin "shterrur" shishet me  75,000 litra birrë, brenda katër ditësh

Sipas raporteve të mediave rumune në Bukuresht, tifozët e futbollit të Maqedonisë së Veriut janë dëshmuar si “veçanërisht të suksesshëm” sa i përket pijes së birrës.

Portali në internet “makfax” ka raportuar se rreth 4,000 tifozë të debutuesit të Evropianit kishin “shterrur” shishet me  75,000 litra birrë brenda katër ditësh, transmeton albinfo.ch. Kjo nënkupton se çdo tifoz ka pirë mesatarisht rreth 4.7 litra birrë në ditë.

Një gjë e tillë sigurisht që nuk është e pamundur, por nuk është as e shëndetshme, shkruan ARD gjermane. Për më tepër, ajo nuk ka arritur ta ndihmojë skuadrën e tyre të zemrës: Pas dy ndeshjeve në Bukuresht kundër Austrisë (1: 3) dhe Ukrainës (1: 2) tashmë është e qartë para ndeshjes së fundit në grupe në Holandë të hënën se ky kampionat, për debutuesin e futbollit ka mbaruar pas tri ndeshjeve.

---