Cressier (NE): Stuhia përmbyt fshatin dhe bllokon autostradën

Një lumë ka dalë nga shtrati i tij dhe ka përmbytur fshatin, ka thënë një zëdhënës policie. Autostrada A5 është mbyllur përkohësisht

Në zonën e fshatit Cressier (NE) të martën në mbrëmje pas shtrëngatave të fuqishme ka pasur përmbytje të mëdha.

Nuk raportohet për asnjë person të lënduar ose të zhdukur, ka shkruar policia në Twitter në mesnatën e së mërkurës. Operacioni është ende në proces. Policia bën thirrje për kujdes.

Një lumë ka dalë nga shtrati i tij dhe ka përmbytur fshatin, ka thënë një zëdhënës policie për agjensinë e lajmeve Keystone-SDA të martën në mbrëmje.

Autostrada A5 u desh të mbyllej në të dy drejtimet për shkak të stuhisë. Të martën vonë, ajo ishte përsëri e kalueshme në drejtim të Biel-it, transmeton albinfo.ch. Ndërsa në drejtim të Lozanës, ajo mundi të rihapej vetëm nga ora 2 e mëngjesit. Rruga midis lokalietteve Lignières dhe Saint-Blaise ishte gjithashtu e mbyllur.

Policia u ka bërë thirrje njerëzve përmes Twitter-it për të shmangur rrugët e përmbytura. Mund të ketë rrëzim dhe shembje të dheut. Policia ka këshilluar gjithashtu të mos pihet uji në çezmet në zonën e Cressier.

Cressier është një fshat që shtrihet midis Liqenit të Biel-it dhe atij të Neuchâtel-it.

---