Në parkun e lodrave në SHBA, vizitorët mezi arrijnë ta stabilizojnë luhatësen që kishte humbur “baraspeshimin”

Qytetarët amerikanë ishin dëshmitarë të një ngjarje që ka mundur të jetë fatale për disa të rinj. Gjithçka ndodhi kur luhatësja në të cilën ishin, filloi të humb baraspeshimin për shkak të peshës së madhe dhe rrezikohej të shembet dhe të pasojnë keq të rinjtë.

Ngjarja ka ndodhur në një park lodrave në festivalin kombëtar Cherry në pjesën veriore të Michigan. Videoja e publikuar më poshtë u filmua në Travers City, ku shihet se si luhatësja Magic Carpet derisa po lëvizte, bazamenti i saj dukej se nuk ishte i qëndrueshëm dhe nga çasti në çast krijonte përshtypjen se do të shembet, transmeton Telegrafi.

Por qytetarë të shumtë që kishin shkuar për të marrë pjesë në këtë festival, reaguan me kohë duke hipur në bazamentin e saj për të krijuar një baraspeshë me qëllim që ajo të mos shembet.

Për fat të mirë luhatësja u ndal dhe nga ky incident askush nuk ka pësuar ndonjë lëndim. E organizatorët e festivalit nuk kanë pranuar të deklarohen për media lidhur me luhatësen.