Shi e breshër në disa komuna të Kosovës

Kosova sot është përfshirë me shi dhe breshër në disa komuna. Temperaturat sot në vendin tonë kanë pësuar ulje.

Si pasojë këtyre ndryshimeve, IHMK kishte njoftuar se sot do të ketë reshje shiu e vende-vende edhe breshër.

Tashmë në disa qytete reshjet e shiut kanë filluar dhe po ashtu edhe breshëri.

Në pamjet që janë publikuar në rrjetet sociale shihet se në komunë e Skenderajt përveç reshjeve të mëdha të shiut në formë stuhish, ka rënë edhe breshër.

Situatë e njëjtë paraqitet edhe në Prizren. Ndryshe, sot Bashkim Kastrati nga sektori për Hidrologji dhe Prognoza Hidrologjike, në Institutin Hidrometeorologjik të Kosovës, ka thënë për Telegrafin se Kosova nuk rrezikohet nga përmbytjet.