Rikthehen sërish vatrat e zjarrit në Suharekë

Disa vatra të zjarreve janë shfaqur sërish sot në komunën e Suharekës.

Kryetari i kësaj komune, Bali Muharremaj, ka bërë të ditur se janë duke kryer intervenimet e nevojshme.

“Zjarret sërish janë aktive në disa pjesë të Zonës Industriale. Me të gjitha kapacitet tona, kudo ku po paraqitet e nevojshme po intervenojmë. Duhet ta kemi parasysh që bashkë mund t’ia dalim përballë kësaj situate”, ka shkruar Muharremaj në Facebook.

Kujtojmë se edhe gjatë ditës së djeshme të njëjtën zonë e kishte përfshirë zjarri, i cili në orët e pasdites arriti të lokalizohet.

Ndryshe, sot në seancën e Kuvendit të Kosovës, opozita ka kërkuar nga Qeveria angazhim më të madh në shuarjen e zjarreve.