Merkeli: Afganistani, në “orë të dhimbshme”

BERLIN, GERMANY - FEBRUARY 1: U.S. Vice President Joe Biden and German Chancellor Angela Merkel speak to the media prior to talks at the Chancellery on February 1, 2013 in Berlin, Germany. The two are meeting ahead of the Munich Security Conference, which takes place from February 1-3. (Photo by Christian Marquardt-Pool/Getty Images)

Në një prononcim për media, kancelarja gjermane, Angela Merkel, tha se talibanët do të kontrollojnë largimet nga vendi. Kina dhe Rusia shqyrtojnë kontakte me talibanët.

Ajo tha se Afganistani është duke kaluar “orë të dhimbshme”, në një kohë kur qeveria gjermane po përpiqet të nxjerrë sa më shpejt nga vendi qytetarët e saj, anëtarët e familjeve të tyre dhe punonjësit lokalë.

Sipas burimeve të dpa, Merkel theksoi në një takim me kristjandemokratët (CDU) të hënën se Gjermania po mbështetej te trupat e SHBA-së që mbajnë kontrollin e aeroportit në Kabul për të mundësuar evakuimin.

Ajo tha se Gjermania do të mbështesë vendet fqinje me Afganistanin dhe në rajonin më të gjerë, po t’u duhet të përballen me një fluks të pritshëm të refugjatëve. Por, talibanët do të kontrollojnë se kush do të ketë mundësinë të largohet nga vendi, tha Merkeli, sipas burimeve.