OKB konstaton si të vërteta raportimet për ekzekutimet e talebanëve

EPA/STRINGER

Komisionerja e Lartë e Kombeve të Bashkuara për të Drejtat e Njeriut, Michelle Bachelet ka deklaruar në Këshillin e Kombeve të Bashkuara (OKB), për të Drejtat e Njeriut se, raportet e talebanëve që kryejnë ekzekutime përmbledhëse në Afganistan janë “të besueshme”.

Shkelje të tjera të të drejtave të njeriut, përfshirë kufizime për gratë dhe rekrutimin e ushtarëve fëmijë, janë raportuar për talebanët, sipas Bachelet.

“Talebanët”, deklaron ajo, “praktikuan një version të rreptë të ligjit islamik (Sheriatit), kur drejtuan Afganistanin, para vitit 2001”, transmeton BBC, përcjell Albinfo.ch.

Që kur morën drejtimin e vendit, militantët janë përpjekur të përcjellin një imazh më të përmbajtur, duke premtuar të drejta për gratë dhe vajzat, si dhe njëfarë lirie të fjalës.

Bachelet tha se, të drejtat e grave janë “themelore”.

Ajo gjithashtu iu ka bërë thirrje shteteve anëtare të OKB-së të krijojnë një organ të dedikuar për monitorimin e të drejtave të njeriut në Afganistan.

Përfaqësuesi i Kinës në OKB tha se, ushtria amerikane dhe forcat e tjera ndërkombëtare duhet të mbajnë përgjegjësi për shkeljet e të drejtave të njeriut që janë kryer gjatë periudhës së tyre në Afganistan.