Deri në dy orë pritje në dalje në Merdar

Edhe mëngjesin e sotëm, pikëkalimi kufitar në Merdar është më i ngarkuari

Pritjet për dalje në Merdar janë deri në dy orë, ndërsa kolona është e gjatë 1200 metra.

Deri afro një orë ka pritje te Dheu i Bardhë, ku kolona është 300 metra.

Sipas Qendrës Kombëtare për Menaxhimin Kufitar, gjendje më e qetë paraqitet në pikëkalimet e tjera kufitare.

Në Mutivodë pritjet në dalje janë deri në gjysmë ore, ndërsa në pikën kufitare në Vërmicë, pritjet janë deri në 20 minuta, ku kolona është 100 metra.

Fluks i veturave që ua kanë mësyrë pikëkalimet kufitare të Kosovës me vendet fqinje ka qenë i madh javët e fundit, pasi mërgimtarët kanë përfunduar pushimet dhe po drejtohen për në vendet ku jetojnë dhe veprojnë.

---