Qeveria ndan shtatë milionë euro për lehonat dhe shtesat e fëmijëve

(KEYSTONE/Gaetan Bally)

Në mbledhjen e Qeverisë është bërë plotësim-ndryshimi, i cili ndryshon titullin “Masa 3.5 – Pagesa për Lehonat dhe Shtesat e Fëmijëve – 7 milionë euro”.

Sipas Qeverisë, ky ndryshim është në funksion të përmbushjes së njërës nga prioritet e Qeverisë, në cilën parashihen shtesat e fëmijëve deri në moshën 16-vjeçare, implementimi i së cilës do të bëhet në mënyrë graduale.

Po ashtu, ky plotësim-ndryshim parasheh përfshirjen edhe të lehonave të punësuara krahas atyre të papuna për mbështetje financiare që do të ofrohet nga Qeveria, me qëllim të fuqizimit të mëtutjeshëm të grave në tregun e punës.

Ndërkaq, ndarjen e mjeteve për lehonat dhe shtesat e fëmijëve qeveria kishte planifikuar ta bëjë vitin e ardhshëm, por kjo do të ndodhë brenda këtij viti.