OBSH: Të gjitha teoritë mbi origjinën e Covid-19 janë ende “në tryezë”

Organizata Botërore e Shëndetësisë ka thënë se të gjitha teoritë mbi origjinën e shpërthimit të Covid-19, përfshirë mundësinë e rrjedhjes prej laboratorit, janë “në tryezë” dhe u bëri thirrje shkencëtarëve kinezë të kryejnë hetimet e tyre.

Zyrtarët e OBSH-së po u përgjigjeshin pyetjeve nga shtypi pasi një raport i klasifikuar i inteligjencës amerikane i dorëzuar Shtëpisë së Bardhë të martën u raportua se nuk ishte përfundimtar në çështjen e origjinës së pandemisë, pjesërisht për shkak të mungesës së informacionit nga Kina.

“Situata aktuale është se të gjitha hipotezat në lidhje me origjinën e virusit janë ende në tryezë”, tha Michael Ryan, kreu i programit të urgjencave shëndetësore të OBSH -së, përcjell albinfo.ch.